صباح الاخبار

لم تتقبل الإعلامية المصرية سلمى صباحي، خبر وفاة الفنان المصري خالد صالح بقوة وصبر، بل العكس تماماً حيث فقدت سلمى أعصابها، وبدا الحزن الشديد واضحاً في كلامها الذي كتبته عبر صفحتها على الإنترنت.رثت سلمى النجم الفقيد بكلمات مؤثرة عاتبته فيها قائلة: “كده برضو تروح! ازاي تمشي كده!! انت لسه جواك كتير ماطلعش! لسه في ادوار كتير تقدمها! لسه موهبه وابداع وفن كبير جواك ماشوفناهوش! طب بلاش! لسه ماشوفتش نتيحة تعبك في الجزيره! ده الفيلم نازل كمان اسبوع! وانت بنفسك كلمتني اول يوم تصوير وقلتلي انك فرحان جدا جدا بالدور ده!! تمشي كده قبل ماتشوف رد فعل الناس على مجهودك!!”.كما تابعت أيضاً: “فاكر لما كان عندك تصوير وكنت مطبق وجيت على نفسك بعد التصوير وجيت تحضر فرحي وقلتلي ماينفعش ماشوفكيش وانتي عروسه يا بت! طب لما كلمتك وانا ف شبابيك قلتلك نفسي ابدا بيك السنه الجديده في حلقة 1-1-2008 عشان بتفاءل بيك وفضيتلي نفسك وجيت! طب لما كلمتك وانت بقدم ولاد البلد قلتلك ممكن تنورني بكره في الحلقه قلتلي “اوردر يا فندم” وانت نجم كبير والمفروض ناخد منك معاد قبلها بفتره وجيتلي فعلا تاني يوم”.لم يقتصر رثاء سلمى على ذلك فقط بل أضافت أيضاً: “طب فاكر السنه اللي فاتت لما كنت تعبان وجيتلي في برنامج البيت عشان بس وعدتني انك تكون موجود وكنت تعبان جدا واحنا بنصور وجيت على نفسك وكملت الحلقه وغنيت عشان تعمل حلقه حلوه!! فاكر لما جيت زورتني في الحبس وقعدت تقوللي يا بختك يا بت المظلوم ده ربنا بيحبه! طب فاكر اول مره خااااالص شفتك سنة 99 وانت بتعمل مسافر ليل ع المسرح وجيت قلتلك بعد المسرحيه انت عبقري ولازم تبقى نجم والناس كلها تعرفك .. وبعدها لما جالك فيلم تيتو كنت فرحان ازاي وقلتلك شفت ادي الناس كلها عرفتك! فاكر لما جيت حضرتلي اول حفله قلتلي انا فرحان بيكي جدا كأنه افتتاح فيلم من بطولتي! مش عارفه افتكرلك ايه ولا ايه .. قلبي واجعني جدا انك مشيت من غير ما اسلم عليك! طب هاقول لمين بعدك يا عمي وعم عيالييارب ارحمه رحمه واسعه أد قلبه النضيف وانسانيته وجدعنته وشهامته وطيبته وحبه للناس وتواضعه وموهبته وفنه وابداعه والخير اللي كان دايما بيعمله ..يارب انا عارفه انك بتحبه بدليل انك اختارته في يوم من احب الايام ليك اول ذي الحجه.. هتوحشني اوي اوي اوي يا عمي وعم عياليطل علينا من الجنه”.