نعى النجم أحمد حلمي عبر صفحته الرسمية على موقع التواصل الاجتماعي فيسبوك الممثل يوسف عيد الذي توفي فجر اليوم.
كتب أحمد حلمي تدوينة طويلة، وصف خلالها موقف مر به في يوم من الأيام يثبت أن الفنان يوسف عيد ممثل لديه حضور وكاريزما، حيث كتب حلمي:
"حوار سمعته في يوم من الأيام بين اتنين:
الأول : عارف الفيلم اللي إسمه .. إسمه .. مممم ..
التاني : إسمه إيه ؟
الأول : هافكرك بيه .. اللي هوه كان يوسف عيد بيقول فيه أضربك فين ؟ وشك مافيهوش مكان ..
التاني : ااااااه .. ده إسمه جعلتني مجرما ..".
وفسر أحمد حلمي سبب كتابته لهذا الحوار، حيث أضاف:
"لما الناس تفتكر إسم فيلم من جملة أو إفيه قالها ممثل جوه الفيلم ساعتها لازم تؤمن إن الممثل ده عنده حضور وكاريزما عالية .. وإن الناس بتحبه .. ده كان يوسف عيد الله يرحمه .. بمجرد إنك تشوفه لازم تبتسم .. تضحك حتى لو مقالش ولا كلمة .. روحه حلوة وطلته خفيفة .. تلاقيه دايما موجود في بالك ودايما بتفتكره .. حتى لو مكونتش بتشوفه كل يوم أو حتى مرة كل سنة .. الله يرحمه ويحسن إليه .. كنت دايما بتمنى أنه يكون معانا في أي فيلم بنعمله وإني اشتغل دايما معاه .. المشهد اللي فيه الأستاذ يوسف كان دايما بيضيف بسمة وضحكة لاتنسى .. وكانت الناس أحياناً بتفتكر إسم الفيلم من إفيه قاله يوسف عيد ..".
0 التعليقات